Group Number 04 - Innovation of a novel Music Instrument based on Sruti Veena 🎻🎻

💢 ශ්‍රැති වීණාව පදනම් කර ගනිමින් නව සංගීත භාණ්ඩයක් නිර්මාණය කිරීම.

විෂය : උත්තර භාරතීය සංගීත සිද්ධාන්ත
විෂය කේතය : MUNI 33023
දේශක : ආචාර්ය මහේෂ් පත්මකුමාර
කණ්ඩායම : 04

💢 හැඳින්වීම :

උත්තර භාරතීය සංගීත අධ්‍යයනාංශයේ තෙවන වසරෙහි සිසුන් සඳහා අනිවාර්ය විෂයක් වන උත්තර භාරතීය සංගීත සිද්ධාන්ත විෂය යටතේ ‘ශ්‍රැති’ පිළිබඳ අධ්‍යයනය සිදු කරනු ලබයි. මෙම ඒකකය ඉගැන්වීමේ දී, දේශන වලදී මෙතෙක් අධ්‍යයන කටයුතු සිදු වූයේ, ප්‍රක්ෂේපන යන්ත්‍ර මඟින් වීඩියෝ දර්ශන පෙන්වීම හා පත්‍රිකා (PDF) ලබා දීම ආදිය මඟිනි. නමුත් ප්‍රායෝගිකව අධ්‍යයනය කළ යුතු විෂය ඒකකයක් ලෙස මෙය අධ්‍යනය කිරීමට අධ්‍යයනාංශය තුළ ඇති දුෂ්කරතා හේතුවෙන්, ප්‍රායෝගික අධ්‍යනයට වඩාත් පහසු ක්‍රමයක් ලෙස ‘ශ්‍රැති වීණාවක්’ ආශ්‍රයෙන් මෙම ඒකකය අධ්‍යනය කිරීමට සුදුසු බව, කථිකාචාර්යතුමාගේ මග පෙන්වීම යටතේ අවබෝධ විය. මෙම ශ්‍රැති වීණාව අධ්‍යයන අවශ්‍යතාවය සපුරාලීමට පමණක් නොව, ප්‍රාසාංගික කාර්යය සඳහා ද දායක කරගත හැකි වන ලෙස වැඩි දියුණු කොට නිර්මාණය කිරීම මෙහි අපේක්ෂාවයි.

💢 අරමුණු:

■ ‘ශ්‍රැති සිද්ධාන්තය’ පිළිබඳව ප්‍රායෝගික වූත්, පැහැදිලි වූත්, සවිස්තරාත්මක අවබෝධයක් විද්‍යාර්ථයින්ට ලබා ගැනීමට හැකි වීම.

■ ශ්‍රැති වීණාව පදනම් කරගනිමින් නව සංගීත භාණ්ඩයක් නිර්මාණය කර ගැනීමට විද්‍යාර්ථයින් යොමු වීම.

■ සංගීත භාණ්ඩ ව්‍යුහකරණය හෙවත් Organology විෂය පිළිබඳව විද්‍යාර්ථයින්ට අවබෝධයක් ලැබීම.

💢 කාල රාමුව :

■ මෙම සම්පූර්ණ කාර්යය දින 24කින් නිම කිරීමට බලාපොරොත්තු වෙයි.

කාර්යය	කාල සීමාව
ලී සොයා ගැනීම. එම ලී අවශ්‍ය පරිදි කපා ගැනීම.	1^st to 5^th
අවශ්‍ය පරිදි කපා ගත් ලී සංගීත භාණ්ඩායේ ආකෘතියට අනුව ඇලවීම. ඒවා වේලීමට හැරීම. ලීයට අවශ්‍ය කරන Polish දැමීම.		6^th to 12^th
ශ්‍රැති ලකුණු කිරීම.Bridge, Strings, Tuning keys, Tail piece ගෙන ඒවා නිසි පරිදි සවි කිරීම.			13^th – 20^th
සංගීත භාණ්ඩය භාර දීම.				24^th

💢 අවශ්‍ය වන අමුද්‍රව්‍ය :

■ තේක්ක ලී

■ Bridge

■ Hawaiian Guitar Tail piece

■ Strings

■ Gum (Flevicol/ Epifix)

■ ඇණ (අවශ්‍යනම් පමණක්)

■ අනෙකුත් උපාංග

💢 සංගීත භාණ්ඩ ආකෘතියේ දළ රූප සටහන :

💢 ඇස්තමේන්තු මුදල : රු. 40 000

කාර්යය	වැය වන මුදල
ලී සඳහා	LKR: 16,000.00
ඇණ, ගම් සහ පොලිෂ් සඳහා	LKR: 7,000.00
වඩු කාර්මිකයාගේ කුලිය	LKR: 8,000.00
අනෙකුත් උපාංග සඳහා	LKR: 9,000.00