Group Number 02- Study of the practical application of singing season theory. 🎤🎤

💢ගායන සමය සිද්ධාන්තයෙහි ප්‍රායෝගික භාවිතය පිළිබඳව අධ්‍යනය කිරීම.

විෂය         - උත්තර භාරතීය සංගීත  සිද්ධාන්ත ( පළමු කොටස)

විෂය කේතය - MUNI- 33023 

කණ්ඩායම   - අංක 2

💢 හැඳින්වීම.

           උත්තර භාරතීය සංගීත  සිද්ධාන්ත විශය යටතේ සිදුකරනු ලබන පැවරුමෙහි දෙවන කණ්ඩායම වන අප විසින් ගායන සමය යන සිද්ධාන්තයෙහි ප්‍රායෝගික භාවිතය පිළිබඳව මෙම ව්‍යාපෘතිය තුළ විග්‍රහ කිරීමට බලාපොරොත්තු වෙමු. මෙහි දී ගායන සමය සිද්ධාන්තය පිළිබඳව විස්තරාත්මක ව අධ්‍යනයක් සිදු කරමින් නියාදියක් ලෙස අප විශ්වවිද්‍යාලයෙහි ආචාර්යවරුන් කිහිප දෙනෙකු තෝරාපත් කර ගනිමින් ඔවුනොවුන් දරණ මතයන් සහ අදහස් මෙන් ම ප්‍රායෝගික භාවිතය පිළිබඳව ද අදහස් එක්කොට ගනිමින් නිගමනයන්ට එළඹීමත් අප විශ්වවිද්‍යාලයෙහි ම විද්‍යාර්ථීන් වෙත ද ප්‍රශ්නාවලියක් (Google Form) ඉදිරිපත් කරමින් ඔවුනගේ ද අදහස් ලබා ගනිමින් ඒ අනුසාරයෙන් මෙම සිද්ධාන්තමය කරුණ සැකවින් පැහැදිලි කොට ඉදිරිපත් කිරීම.

💢 අරමුණු.

■ ගායන සමය සිද්ධාන්තය පිළිබඳව අප උගත් කරුණු පිළිබඳව නිරවද්‍යතාව තහවුරු කර ගැනීම.

■ මෙම සිද්ධාන්තයෙහි පවතින කාල නිර්ණයට අනුගතව වර්තමානයෙහි රාග ගායනය වාදනය සිදු වේ ද එසේ නොවන්නේ නම් එමඟින් රාග භාව උද්පදීනයෙහිලා හානියක් සිදුවේද යන්න පැහැදිලි කර ගැනීම.

💢 කාල රාමුව.

■ ගායන සමය යන සිද්ධාන්තය පිළිබඳව කරුණු ගොනු කිරීම.

■ මෙම පැවරුම සිදු කරන ආකාරය පිළිබඳව විශයභාර ආචාර්යවරයා මුණගැසී කරුණු විමසීම.

■ ගොනු කරගත් සිද්ධාන්තමය කරුණු ආශ්‍රයෙන් ආචාර්යවරුන්ගෙන් සහ විද්‍යාර්ථීන්ගෙන් ඇසීමට නියමිත ප්‍රශ්නාවලිය නිර්මාණය කිරීම.

■ නිර්මාණය කරගත් ප්‍රශ්නාවලිය ආචාර්යවරුන්හට ඉදිරිපත් කිරීම සහ ඔවුනගේ අදහස් පටිගත කර ගැනීම.

■ විද්‍යාර්ථීන්හට ලබා දෙන ප්‍රශ්නාවලිය ඉදිරිපත් කොට ඔවුනගේද අදහස් රැස්කර ගැනනීම.

■ රැස්කර ගත් තොරතුරු අනුසාරයෙන් ඉදිරිපත් කිරීම Power Point ඇසුරෙන් නිර්මාණය කර ඉදිරිපත්      කිරීම.